Bakı. 20 oktyabr. REPORT.AZ/ Bu gün Bakıda keçirilən Azərbaycan-Körfəz ərəb dövlətləri Əməkdaşlıq Şurası (KƏŞ) ölkələri biznes-forumu çərçivəsində bir sıra sənəd imzalanıb.
"Report" xəbər verir ki, Azərbaycanda İxracın və İnvestisiyaların Təşviqi Fondu (Azpromo) ilə KƏŞ ölkələri Ticarət Palataları Federasiyası arasında qarşılıqlı əməkdaşlığa dair anlaşma memorandumu, "Azpromo" ilə Səudiyyə Ərəbistanının Yanbu şəhəri Ticarət və Sənaye Palatası arasında qarşılıqlı əməkdaşlığa dair anlaşma memorandumu, habelə Azərbaycan Standartlaşma İnstitutu və KƏŞ Standartlaşdırma Təşkilatı arasında anlaşma memorandumu imzalanıb.
