Rusiyada “Moskva-Siti” beynəlxalq biznes mərkəzində atışma olub.
Publika.az gazeta.ru-ya istinadən xəbər verir ki, hadisə nəticəsində 6 nəfər xəsarət alıb. İnsident mərkəzin dayanacağında mühafizəçilərlə naməlum şəxslər arasında olub. Xəsarət alanlardan dördü xəstəxanaya yerləşdirilib. Digər iki nəfərə hadisə yerində yardım göstərilib və evə buraxılıb.
Hüquq-mühafizə orqanlarının əməkdaşları hadisənin səbəblərini araşdırır.