Gürcüstanın sabiq prezidenti, Odessa vilayətinin sabiq qubernatoru Mixeil Saakaşvilinin tərəfdarları sabahdan başlayaraq bütün Ukraynada etiraz aksiyalarına başlayır.
APA-nın "RİA Novosti" agentliyinə istinadən
verdiyi məlumata görə, bunu bu gün Ukrayna prezidentinin impiçmenti
barədə qanunun qəbulu tələbi ilə Kiyevdə keçirilən aksiyada çıxış
edən Yeni Qüvvələr Hərəkatı Partiyasının təmsilçisi Olqa Qalabala
bəyan edib.
M. Saakaşvilinin sədri olduğu partiyanın təmsilçisi bildirib ki,
sabahdan Ukraynanın bütün şəhərlərində aksiyalara başlanacaq.
Partiya üzvləri rayon və vilayət mərkəzlərində dinc aksiyalar
keçirəcək. O. Qalabala növbəti bazar günü də Kiyevdə Saakaşvili
tərəfdarlarının yürüşünün keçiriləcəyini bildirib.