Bu gün Türkiyə kubokunda yarımfinal mərhələsinin növbəti cavab oyunu keçiriləcək.
Publika.az xəbər verir ki, "Fənərbağça" öz meydanında əzəli rəqibi "Beşiktaş"ı qəbul edəcək.
İstanbul derbisi Bakı vaxtı ilə saat 21:30-da başlayacaq.
Komandalar arasında keçirilən ilk görüşdə 2:2 hesablı bərabərlik qeydə alınıb. Bu oyun, həmçinin 3 qırmızı və 8 sarı vərəqəylə yadda qalıb.
Qeyd edək ki, ilk finalçı yarımfinalda sürprizə imza ataraq "Qalatasaray"ı mübarizədən kənarlaşdıran "Akhisar"dır.
