Tanınmış simalar

Aygün Kazımova

Müğənni

Sevgi gülləri (1997), Ey mənim dünyam (1999), Aygün (2000), Sevdim (2001), Son Söz (2004), Sevərsənmi? (2005), Aygün Kazımova, Vol 1 (2008), Aygün Kazımova, Vol 2 (2008), Aygün Kazımova, Vol 3 (2008), Aygün Kazımova, Vol 4 (2008), Estrada (2008), Coffee from Colombia (2014)

Mahnılar

Əllərini uzat gülüm - 1995, Öpsən - 2006, Ömrüm-günüm - 1998, Bizim qızlar - 1998, Bakı qızları - 1997, Gülər qızım - 2009, Düşün Məni - 2011, Hayat Ona Güzel - 2012, Futboll - 2012, Coffee From Colombia (Feat.Snoop Dogg) - 2013, Təsadüf - 2013, Biletini alma - 2013, Səndən adam olmayacaq - 2014, Qəlbimdəsən - 2014, Sənə Xəstəyəm - 2014, Səni Belə Sevmədilər - 2015, Gecə yarı - 2016, Ağlım başıma gəldi - 2016, Ağlasın (feat. Samir Piriyev) - 2016, Yalana bax - 2016

Kliplər

Coffee from Colombia (feat. Snoop Dogg ), Hayat Ona Güzel, İkinci Sen (feat. Sinan Akçıl ), İkinci Sen ( Batu Çaldıran Remix)(feat. Sinan Akçıl ), Düşün Məni, Tənha Qadın, Yenə Tək, Səndən Başqa, Depresyondayım, Sevdim, Mən Aygünəm (Mənə Elə Baxma), Я и ты, Bağlanıram (feat. Namiq Qaraçuxurlu), Sevirəm (feat. Namiq Qaraçuxurlu ), Güləş (feat. Alim Qasımov ), Xatirələr (feat. İlqar Muradov ), Petrol (feat. Miri Yusif ), Sigara (Aşiqəm Sənə), Şəklimi Çək, Son Söz, Səssiz Sinema, İndi Sənsiz, Son Gecə (feat. Cavanşir Quliyev), Son Gecə, Bu Sevgi, Sənsizliyim (Qoy İşığı Söndürüm), Sənsiz Bir Günüm Olmasın, Gözləyirəm, Bizim Qızlar, Uzaqlıq, Tez Gəl, Sevgilim Süz, Futbol (Qol) [FIFA U-17 Women's World Cup Azerbaijan 2012 anthem)], Uuyma, Sevgi Nəğməsi, Vokaliz, Öpsən, Sevən Qəlbim, Gecələr Keçir, Matros, Azərbaycan, Azərbaycan Bayrağı, Məhəbbət Üçbucağı, Gülər, Bir Söz Yetər, Vətən Anadır, Telafisi Yok, İtgin Gəlin, İstərəm, Bulamadım, Əllərini Uzat Gülüm, Təkcə Səni, Azərbaycan (Elton Hüseynəliyev, İlgar Muradov, Qismət Məmmədzadə ), Şəhidlər (Amandır)

Filmoqrafiya

Yarımştat (1996), Yaşıl eynəkli adam 2 (1999), Nekroloq (2001), Qış nağılı (2002), Tam Məxfi (2004), Məşədi İbad 94 (2005), Adam Ol! 2 (2006) - rol: Aygün

Şəxsi həyatı

Aygün Kazımovanın ilk evliliyindən İlqarə adlı bir qızı var. Bir müddət meyxana ustası Namiq Qaraçuxurlu ilə birlikdə olan müğənni daha sonra ondan ayrılmışdır.

Ad,Soyad	Aygün Kazımova
Yaş	26 Yanvar 1971 (53 Yaş )
Doğulduğu yer	Bakı
Vəzifə	Müğənni, bəstəkar, aparıcı, aktrisa
Boy	168
Çəki	60
Yenilənmə tarixi	20-12-2016

Aygün Kazımova 1971-ci il yanvar ayının 26-da Bakı şəhərində dünyaya gəlib. 1977-ci ildə 12 saylı məktəbin 1-ci sinfinə qədəm qoyub. Məktəb illərinin ardından Bakı Mədəni-Maarif Texnikumuna (indiki Bakı Humanitar Kolleci) daxil olsa da, təhsilini yarımçıq dayandırmaq məcburiyyətində qalıb.

Aygün Kazımova peşəkar səhnəyə ilk dəfə 1988-ci ildə "Bakı Payızı" yarışması ilə gəlmişdir. İfaçı İlk qrand-prizi məhz bu yarışmada qazanmışdır. 1989-1989-cu illərdə Yurmalada keçirilmiş beynəlxalq konkursda, 1992-ci ildə "Asiya Dausı" festivalında, 1996-cı ildə İstanbulda keçirilmiş beynəlxalq yarışmada laureat olmuşdur. 2000-ci ildə "İlin müğənnisi", "İlin konserti: Aygün-Bir Gün", "İlin hiti: Gecələr" adlı üç nominasiya üzrə Qrand mükafatına layiq görülmüşdür. 2001-ci ildə yenidən üç - "İlin müğənnisi", "İlin hit mahnısı: Я и ты", "İlin konserti: Я девушка восточнaя" nominasiyaları üzrə Qrand mükafatı qazanmışdır. İndiyə kimi 10-a yaxın solo konserti olmuşdur. Bunlardan 1999-cu ildə "Aygün-Bir Gün", 2000-ci ildə "Я девушка восточная", 2001-ci ildə "Qeyri-adi şou", 2006-cı ildə Moskvada möhtəşəm yubiley konsertlərini misal göstərmək olar. Bu günə kimi 15 diski işıq üzü görmüşdür. 2001-ci ildə Azərbaycanın əməkdar artisti, 2009-cu ildə isə xalq artisti adlarına layiq görülüb. Vaqif Gərayzadə, Eldar Mansurov və Cavanşir Quliyev kimi bəstəkarlarla birgə çalışmışdır. Xarici ölkələrdə də konsertlər verir. Onlardan ən məşhuru 2006-cı ildə Moskvada Dövlət Kreml sarayında təşkil edilmiş konsertdir. Bunlardan savayı, xeyriyyə konsertləri də keçirmişdir. 2005-ci ildə rejissor Arif Qazıyevin "Xarı bülbüllər" musiqili filmində baş rola çəkilmişdir. Həmçinin Best Model of Azerbaijanın rəhbəri vəzifəsində də iştirak etmişdir. 2012-ci ildə Türkiyənin ən tanınmış müğənni və bəstəkarları olan Sinan Akçıl və Sərdar Ortacla iş birliyi qurmuşdur. Sinan Akçıl ilə "İkinci sen" adlı duet ifa edib. Sərdar Ortacdan isə "Hayat ona güzel" adlı mahnı ifa edib. Hər iki mahnı müğənninin karyerasına uğur gətirdi. Məhz 2012-ci ildə ifa etdiyi bu mahnlara görə Mədəniyyət və Turizm Nazirliyinin təsis etdiyi Qrand 2012 mükafatına layiq görülüb. Sinan Akçıl ilə ifa etddiyi duet müğənniyə "İlin dueti", Sərdar Ortacdan ifa etdiyi mahnının klipinə görə isə "İlin klipi" mükafatına layiq görülüb. 2012-ci ilin sonundan dünya layihəsinə start verib. Müğənninin Türkiyədə çalışdığı "DokuzSekiz" musiqi şirkətinin köməkliyi ilə Hollivud ulduzu, reper Snoop Dogg ilə duet ifa etmişdir. İfa etdikləri mahnının adı "Coffee from Columbia" adlanır. Müğənni adı çəkilən mahnının adı ilə eyni adda CD çıxarmışdır. Albomda 12 mahnı yer alıb. Eyni zamanda Snoop Dogg ilə ifa olunan duetə dünyanın, xüsusilə Amerika Birləşmiş Ştatlarının və Türkiyənin ən məşhur DJ-ləri remiks versiya hazırlayıb. "Coffee from Columbia" mahnısı və mahnıya çəkilən klip Türkiyə və Azərbaycan telekanalları ilə yanaşı, dünyanın əsas musiqi kanalları, o cümlədən MTV-də də nümayiş olunub.

Aygün Kazımova 2016-cı ildə Almaniyanın "DAF BAMA Music Awards 2016" beynəlxalq mükafatlandırma mərasimində "Azərbaycanın ən yaxşı qadın sənətçisi" mükafatına layiq görülmüşdür. Müğənni bu mükafata layiq görülən ilk azərbaycanlıdır.

Whatsapp-la göndər