Sonuncu dəfə "Dosso Dossi Fashin Show"da Peris Hiltonla eyni səhnəni bölüşən azərbaycanlı model Məhbubə Məmmədzadə bakirəliyini hərracda satışa çıxarıb.

Metbuat.az Oxu.az-a istinadən bildirir ki, o, bakirəliyini satmaq üçün dünyaca məşhur olan "Cinderella Escorts" saytına müraciət edib.

Saytda anket yerləşdirən modelin bakirəliyinin qiyməti 100 min avrodan başlayır.

Məhbubə paylaşdığı videoda bildirir ki, qazandığı pula anasına ev alacaq. O, görəcəyi işlər siyahısına Azərbaycanda kimsəsiz itlərə sığınacaq tikdirmək və xaricdə ən məşhur olan model agentliyində karyerasını davam etdirmək istəyini də əlavə edib.

Həmçinin, məlumatda qeyd edilir ki, modelin bakirəliyi həkim tərəfindən təsdiq olunub, lazımi tibb sənədləri alıcıya təqdim oluna bilər.

Bildirilir ki, bir gecəlik görüş Almaniyada baş tutacaq. Otelin seçimi müştərinin öhdəliyinə verilir.