Bakı, 23 aprel, AZƏRTAC
Aprelin 24-də Bakı Olimpiya Stadionunda Fövqəladə Hallar Nazirliyinin (FHN) canlı qüvvə və texnikasının iştirakı ilə təlim-məşq keçiriləcək.
FHN-in mətbuat xidmətindən AZƏRTAC-a bildiriblər ki, təlim-məşqin keçirilməsində əsas məqsəd Bakı Olimpiya Stadionunda təşkil olunacaq kütləvi idman tədbirləri zamanı mümkün fövqəladə halların qarşısının vaxtında alınması və nəticələrinin operativ şəkildə aradan qaldırılması üçün şəxsi heyətin peşəkarlığının daha da artırılmasından ibarətdir.