Vladimir Jirinovski: Rusları ən çox məhz Ermənistandan qovublar

Vladimir Jirinovski: Rusları ən çox məhz Ermənistandan qovublar
17:23 24 Aprel 2015
128 Ölkə
Ölkə mətbuatı
A- A+


Moskva, 24 aprel, AZƏRTAC
“1991-ci ildə rusları ən çox məhz Ermənistandan qovublar. Bu gün Ermənistan ən monoetnik respublikadır. Ruslar və başqa xalqların nümayəndələri hər yerdə var, Ermənistanda isə yoxdur”. Bu sözləri Rusiya Dövlət Dumasının deputatı Vladimir Jirinovski Osmanlı İmperiyasında “ermənilərin soyqırımı” ilə bağlı bəyanatın müzakirəsi zamanı bildirib.
Dövlət Dumasının deputatı deyib: “Bu bəyanat nəyə həsr olunub? Kimsə başsağlığından danışır. Hesab edirəm ki, başsağlığını yalnız fiziki şəxsin ölümü ilə əlaqədar vermək olar. Bu, 100 il əvvəl baş verib. Biz deyə bilərik ki, razı deyilik. Qardaş Ermənistan haqqında yazmaq - mən burada da bir əsas görmürəm. Qardaş dövlətlər və qardaş xalqlar olmur. Burada qardaş Ermənistandan yazmaq lazım deyil. Bəyanatın mətninə daha quru məna vermək lazımdır. Əmin deyiləm ki, Ermənistan üçün qonşu ölkələr tərəfindən təhlükə olmasaydı, bizim münasibətlərimiz yaxşı olardı. Ermənistanı Finlandiyaya köçürün, orada sərt antirus əhval-ruhiyyə olacaq. Yəni məsələ kiminsə kimin qardaşı olmasında deyil, coğrafiyadadır”.
Rusiya Dövlət Duması aprelin 24-də qondarma “erməni soyqırımının” 100 illiyi ilə bağlı bəyanat qəbul edib. Bəyanatda deyilir ki, planetimizdə möhkəm sülhün və təhlükəsizliyin bərqərar edilməsi naminə mürəkkəb tarixi məsələləri və beynəlxalq münaqişələri dinc yollarla , o cümlədən diplomatik səylərlə həll etmək lazımdır.
Fəridə Abdullayeva
AZƏRTAC-ın xüsusi müxbiri
Moskva

Xəbərin orijinal ünvanı: http://azertag.az/xeber/Vladimir_Jirinovski_Ruslari_en_chox_mehz_Ermenistandan_qovublar-849524

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR