Beynəlxalq "Formula-1" çempionatının əfsanəvi ulduzu, 7 qat dünya çempionu Mixael Şumaxerin oğlu Mik atasının yolunu davam etdirir.
16 yaşlı Mik Şumaxer sabah Almaniyada keçiriləcək "Formula-4 ADAC" turnirində debüt edəcək.
Milli.Az Daily Mail-ə istinadən bildirir ki, indi koma vəziyyətində olan Mixael Şumaxer pilot karyerası ərzində 91 turnirdə qalib gəlmişdi.
Mik Şumaxer isə bazar günü həyatında ilk dəfə olaraq özünü "Formuda-4"də sınayacaq. O, yarışa 19-cu mövqedən qatılacaq, sonra daha iki mərhələdə iştirak edəcək.
Mixael Şumaxer 2013-cü ilin dekabrında Fransadakı Meribel kurortunda dağ xizəyi ilə sürüşəndə yıxılmış, başı qayaya dəymişdi.
"Qırmızı baron" ləqəbli əfsanəvi pilot həmin vaxtdan bəri koma vəziyyətindədir.
Milli.Az
