Xəbər verdiyimiz kimi, dünən Kənd Təsərrüfatı Nazirliyi jurnalistlər üçün media-tur təşkil edib.
Tur çərçivəsində media nümayəndələri Lənkəran rayonunda olan sitrus bağı ilə tanış olub və dünyanın Azərbaycan daxil olmaqla 5 ölkəsində yetişdirilən Hallobonq meyvəsi haqqında ətraflı məlumat alıblar.
Aqranom Xalıq Talıbov hallobonq meyvəsi ilə bağlı ətraflı məlumat verib:
"Hallobonq çox nadir yetişdirilən sitrus meyvəsidir. Diametri 8-10 sm, çəkisi isə 350-500 qram arasında dəyişir. Dünyanın Azərbaycan daxil olmaqla 5 ölkəsində ( ABŞ, Fransa, Yaponiya, Koreya) yetişdirilir. Bu meyvə dünyada dekapon, siorami və sumu adı ilə məşhurdur. Meyvə Yaponiyada 1972-ci ildə Siomi və Pantakomi mandarin sortlarından calaq yolu ilə alınıb.
Aqronom bildirib ki:
Ölkəmizdə bu meyvə 2015-ci ildən etibarən yetişdirilməyə başlanılıb. Hazırda 10 hektar ərazidə 3791 ədəd ağac əkilib. Əkildiyi vaxtdan 2-3 il sonra məhsul veməyə başlayır. Məhsuldarlıq hər bir ağacda 30-40 kq-dır. Ancaq 10 ilə tam məhsuldarlığa düşəndən sonra hər bir ağacdan 200- 250 kiloqram məhsul götürə biləcəyik. Qulluq tələb edən bitkidir, yeri yaxşı olsa, il ərzində 3-4 dəfə məhsul almaq olar. Vitaminlərlə zəngin bitkidir və ölkəmizdə də təlabat çoxdur. Onu da bildirim ki, Mendeleyev dövri sistem cədvəlinin bütün elementləri bu meyvənin tərkibində var".
Xalıq Talıbov onu da qeyd edib ki, məhsulumuzun satışı ilə bağlı Rusiya ilə artıq müqavilə də imzalamışıq.
Sərdar Məmmədov / Metbuat.az
FOTO: Müzəffər İsmayılov
Lənkəran
