Türkiyənin “Ankaragücü” klubu baş məşqçisi İsmayıl Kartalla yollarını ayırıb.
Publika.az-ın klubun saytına istinadən yaydığı xəbərə görə, 16-cı turda keçirilən “Sivassspor” - “Ankaragücü” matçından sonra klub rəhbərliyini tənqid edən Kartal, istefaya göndərilib.
İsmayıl Kartal 0:4 hesablı məğlubiyyətdən sonra mətbuata açıqlamasında uğursuzluqda klub rəhbərliyini günahlandırmışdı. O, 6 aydır məvacib almadıqlarını və buna görə də futbolçuları oyuna kökləyə bilmədiklərini deyib. Komanda son 2 ayda qələbə üzünə həsrət qalıb.
Qeyd edək ki, “Ankaragücü” Superliqada 16 turdan sonra 20 xalla 11-ci pillədə qərarlaşıb.