Belarus prezidenti Aleksandr Lukaşenko ölkəsinin Ukraynaya gələcəkdə hərbi hədəflərdə istifadə olunması üçün dizel yanacağını çatdırması barədə informasiyanı şərh edib.
Publika.az BELTA agentliyinə istinadən xəbər verir ki, Lukaşenko Ukraynada tankların Rusiya yanacağı ilə doldurulduğunu bildirib.
Prezidentin sözlərinə görə, Ukraynaya benzin və dizel yanacağını həcmini daim artıraraq rusiyalılar çatdırırlar.
O qeyd edib ki, Belarus tərəfindən təchizatın həcmləri aşağı düşür.
"Sadəcə, bizi Ukrayna bazarından itələyirlər. Və yalnız neft məhsulları üzrə deyil. Həm də gübrələr və başqa məhsullar. Rəqabət gedir”, - dövlət başçısı söyləyib.
