Komissiya: Şamaxıda baş verən təkrar zəlzələ ciddi fəsadlar törətməyib

Komissiya: Şamaxıda baş verən təkrar zəlzələ ciddi fəsadlar törətməyib
16:50 12 Fevral 2019
75 Ölkə
Ölkə mətbuatı
A- A+

Bakı. Samir Əli - Trend:

Fevralın 11-də axşam saatlarında Şamaxıda baş verən təkrar zəlzələ rayon ərazisində ciddi fəsadlar törətməyib.

Bu barədə Trend-ə açıqlamasında Şamaxı Rayon İcra Hakimiyyətinin baş memarı, Rayon Fövqəladə Hallar Komissiyasının sədr müavini Rüstəm Əliyev deyib.

Onun sözlərinə görə, komissiya üzvləri hadisədən dərhal sonra rayon ərazisinə baxış keçirib: "Ciddi problem ortaya çıxmayıb. Təkrar yeraltı təkanla bağlı müraciət daxil olmayıb. Komissiyaya daxil olan müraciətlər fevralın 5-də baş verən zəlzələ ilə bağlıdır. Hazırda komissiya üzvləri müraciətlər əsasında ev və obyektlərə baxış keçirir, araşdırmalar davam edir. Komissiya müraciət daxil olan ev və obyektlərə yerində baxır və qərar qəbul edir".

Xatırladaq ki, fevralın 5-də Pirqulu stansiyasından 7 km cənubda Ağsu ərazisində 4,4 bal gücündə zəlzələ qeydə alınıb. Həmin zəlzələ episentrdə 5 bala yaxın, ətraf rayonlarda 4,3 bala qədər hiss olunub. Həmin gün Pirqulu stansiyasından 9 km cənub-qərbdə İsmayıllı ərazisində zəlzələ qeydə alınıb. Fevralın 9-da və 11-də də Pirqulu stansiyasından 8 və 9 km cənub-qərbdə və qərbdə yeraltı təkanlar baş verib.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/society/3018173.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR