Sakaryanın Xəndək rayonunda, 2 evdən oğurluq edən və evlərə girərkən tanınmamaq üçün yaylıq bağlayan yaşları 15 ilə 20 arası olan 3 gənc qız yaxalanıb.
Metbuat.az Türkiyə KİV-inə istinadla bildirir ki, oğurluqla bağlı çox sayda cinayətləri olan 2 nəfər həbs olunarkən, yaşı kiçik olan bir nəfər isə adlı nəzarətlə sərbəst buraxılıb.
Xəndək Yeni Məhəllədə eyni ərazinin içində 2 ayrı evə girən oğrular zinət əşyaları və pulları oğurlayıb.
Polis, evlərdə dəlil toplayaraq, ətrafdakı təhlükəsizlik kameralarına baxıb.
Xəndək Rayon Polis İdarəsinə bağlı qruplar, təhlükəsizlik kameraları sayəsində 3 nəfərin kimliyini müəyyən edib. Evlərə girərkən tanınmamaq üçün yaylıq bağlayan A.Ç. (15), S.İ. (20) və D.U. (19) adlı 3 gənc qız Adapazarında olduqları evdə yaxalanıb.
Aparılan araşdırmada A.Ç.nin oğurluq cinayətindən 8, S.İ.nin 9 və D.U.nun 24 cinayətinin olduğu müəyyənləşdirilib.
Ədliyyəyə sövq edilən S.İ. Və D.U. həbs olunarkən, A.Ç. isə adlı nəzarət şərti ilə sərbəst buraxılıb.