"Eurovision-2008"-in qalibi, Rusiyanın Əməkdar artisti Dima Bilan Sankt-Peterburqdakı konsertindən sonra pərəstişkarlarını həyəcanlandıran açıqlama verib.
Publika.az xəbər verir ki, müğənni İnstaqram səhifəsində konsertə ayağı sınıq vəziyyətdə çıxdığını yazıb.
"Fevralın 18-də buzda sürüşdüm və ayağım iki yerdən sındı. Növbəti gün əməliyyat olunmalıydım. Ancaq konserti təxirə sala bilməzdim. Həkimlərin təkidinə baxmayaraq, əməliyyatı şoudan sonraya saxladım. Ancaq bunu qəhrəmanlıq da saymıram" - deyə, Bilan bildirib.
