"Rusiya OPEC və qeyri-OPEC ölkələrinin neft hasilatının azaldılması ilə bağlı sazişini gələcəkdə də yerinə yetirməyə hazırdır".
Metbuat.az-ın məlumatına görə, bunu Bakıda OPEC və qeyri-OPEC ölkələrinin Nazirlərinin Birgə Monitorinq Komitəsinin (JMMC) 13-cü iclasının açılışında Rusiyanın energetika nazirinin müavini Pavel Sorokin bildirib.
Onun sözlərinə görə, Rusiya neft istehsalı həcmi ilə bunu bir daha sübut edir:
"Ümid edirəm ki, bugünkü OPEC görüşü neft bazarında daha yaxşı nəticələrin əldə edilməsi üçün daha bir addım olacaq. Eləcə də neft bazarının daha yaxşı anlaşılması, qeyri-müəyyənliklərin aradan qaldırılması və ilk 6 ay ərzində müqavilənin yerinə yetirilməsi ilə bağlı olan gələcək addımların müzakirə edilməsi üçün də bu görüş daha yaxşı imkan yaradacaq".
Günay Elşadqızı / METBUAT.AZ
