"Google" növbəti aydan etibarən bir neçə xidmətinin fəaliyyətini dayandırmağı düşünür.
Milli.Az "Qafqazinfo"ya istinadən bildirir ki, artıq aprelin 2-dən etibarən "Inbox by Gmail" mobil tətbiqinin istifadəsinə xitam veriləcək.
Şirkət bu tətbiqi 2014-cü ildə istifadəyə vermişdi. Texnologiya nəhəngi həmin gün sosial platforma olan və bazarda yerini tuta bilməyən "Google+"u da bağlayacaq. Sonrakı mərhələdə videozəng üçün nəzərdə tutulan "Allo" və link qısaltmaq üçün istifadə olunan goo.gl xidmətlərinin da fəaliyyətinə son veriləcəyi gözlənilir.
Milli.Az
