Diabet xəstələri qəbul etdikləri bütün qidalara xüsusi fikir verməlidir. Onlar qanda şəkəri balansda saxlayan yeməklərə üstünlük verməlidir.
Milli.Az medicina.az-a istinadən diabetdən əziyyət çəkənlər üçün xüsusi şorba reseptini təqdim edir.
Şəfa qaynağı olan sarıkök və darçın diabet xəstələrinin xilaskarıdır desək yanılmarıq.
Sarıköklü-darçınlı mərci şorbası üçün:
1 stəkan qırmızı mərci
1 ədəd yerkökü
2 ədəd baş soğan
1 yemək qaşığı zeytun yağı
1 çay qaşığı sarıkök
Yarım çay qaşığı toz darçın
Nanə,pul bibər,duz
Hazırlanması:
Baş soğan və yerkökünü doğrayın. Tavaya qoyub, üzərinə yuyulmuş mərcini əlavə edin. Üstünə çıxana qədər su əlavə edin. Qaynamış qarışığı blnederdən keçirin, üzərinə ədviyatları əlavə edin. Aşağı temperaturda bişməyə qoyun.
Bir neçə dəqiqə bişdikdən sonra 2 yemək qaşığı zeytun yağı əlavə edib, təkrar qarışdırın. İstəsəniz, üzərinə biraz limon da sıxa bilərsiniz.
Milli.Az
