Tokio, 11 may, AZƏRTAC
Mayın 11-də Yaponiyanın Sakit okean sahillərində 5,6 bal gücündə zəlzələ baş verib. Bu barədə ABŞ-ın Geoloji Xidməti məlumat yayıb.
Episentri Haçico adasının yaxınlığında olan zəlzələnin ocağı dənizin 18 kilometr dərinliyində yerləşib. Sunami təhlükəsi elan edilməyib.
Dağıntılar və zərərçəkənlər barədə məlumat verilmir.
Vüqar Ağayev
AZƏRTAC-ın xüsusi müxbiri
Tokio