Bakı. 13 may. REPORT.AZ/ ABŞ-ın Dəniz Piyadaları Korpusuna məxsus vertolyotun Nepalda zəlzələdən zərər çəkənlərə yardım göstərən zaman qəzaya uğradığı ehtimal edilir.
"Report" TASS-a istinadən xəbər verir ki, bu barədə ABŞ Silahlı Qüvvələrinin Sakit okean Komandanlığı məlumat verib.
Məlumata görə, vertolyot ilə əlaqə itib.
Hava gəmisinin göyərtəsində səkkiz nəfər olub - altı dəniz piyadası və iki nepallı.
"UH-1Y Huey" vertolyotu zəlzələdən zərər çəkənlərə yardımın çatdırılması üzrə əməliyyatlarda iştirak edib.
