2022-ci ildə smartfon satışının 60%-i “5G”-qurğuların payına düşəcək

2022-ci ildə smartfon satışının 60%-i “5G”-qurğuların payına düşəcək
16:35 23 Oktyabr 2019
Ölkə mətbuatı
A- A+

“Strategy Analytics” analitik şirkəti beşinci nəsil (5G) şəbəkələrini dəstəkləyən smartfon seqmentinin inkişafı ilə bağlı öz araşdırmasını dərc edib.

 

“ICTnews” Elektron Xəbər Xidməti “dailycomm.ru” saytına istinadən yazır ki, ekspertlərin proqnozuna görə, 2022-ci ildə smartfon bazarının təxminən 60%-i, 2025-ci ildə isə 75%-i belə qurğuların payına düşəcək.

 

“5G” aparatların qiyməti Çində daha tez ucuzlaşacaq, çünki bu ölkədə ənənəvi olaraq qiymətlərin aşağı salınması prioritetdir. Çin sayəsində “5G” telefonların orta satış qiyməti azalacaq, “Strategy Analytics”in analitikləri belə hesab edirlər.

 

Bundan əvvəl “Strategy Analytics”in proqnozuna görə, 2019-cu ildə “5G” mobil rabitə texnologiyasına malik smartfonların qlobal tədarük həcmi 5 milyon təşkil edəcək.

 

“IDC”nin proqnozuna əsasən, 2020-ci ildə 123 milyon “5G” telefonu təqdim ediləcək.

 

Emil Hüseynov


Xəbərin orijinal ünvanı: http://ictnews.az/read-63675-news-1.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR