Bakının Binəqədi rayonunda 36 yaşlı şəxs naməlum şəkildə xəsarət alıb.
“Report” xəbər verir ki, hadisə rayonun 7-ci mikoraroyn ərazisində yerləşən Oğuzxan restoranın qarşısında qeydə alınıb.
1983-cü il təvəllüdlü Əsgərov Fuad Füzuli oğlu təcili yardımın köməyi ilə xəstəxanaya çatdırılıb.
Müayinə zamanı ona qapalı kəllə-beyin travması diaqnozu qoyulub. Faktla bağlı Binəqədi Rayon Polis İdarəsində araşdırma aparılır.
Qeyd edək ki, yaralı huşsuz vəziyyətdə aşkar edilib.
Ramin Şahbazov
