BH Auction hərrac evinin satışlarına 1970-ci ilin istehsalı olan Nissan Fairlady Z432R sportkarı çıxarılıb. Avtomobili, ilkin olaraq, 73-83 milyon yen arasında qiymətləndiriblər. Əgər kupe hərracda bu qiymətə satılarsa, Nissan markasının tarixində olan ən bahalı avtomobil olacaqdır.
Milli.Az autograph.az-a istinadən bildirir ki, Nissan Fairlady Z433R modeli rallidə iştirak edən 240Z kupesinin omoloqasiya keçmiş versiyasıdır. Sərfəli qiyməti sayəsində model keçən əsrin 70-ci illərində amerikan bazarında bestsellerə çevrilib. Satış göstəricilərinə görə kupe BMW və Jaguar sportkarlarını belə üstələyib.
R indeksinə malik olan Nissan 240Z modelinin rallidə istirak etməsi onun omoloqasiyadan keçməsi tələb olunurdu. Bunun üçün isə, modelin məhdud saylı mülki versiyasını buraxmaq tələb edilirdi. Bir sıra məlumatlara görə, məhdud saylı sportkarların tirajı 50 nüsxədən az olub.
Xüsusi seriyadan olan sportlarlar Skyline GT-R modelinin ilk nəslindən tanış olan 160 at qüvvəli 2,0-litrlik altısilindrli mühərrik ilə təchiz edilirdi. Avtomobilin 5-pilləli müxaniki ötürmələr qutusu da GT-R modelindən götürülüb. Sportkarın eksklyuzivliyini və əla vəziyyətini, həmçinin 100 min kilometrlik yürüyüşünü nəzərə alaraq, onun təyin edilmiş qiymətə satılacağından şübhə etməmək olar.
Milli.Az
