“Report” “Kommersant”a istinadən xəbər verir ki, “Knight Frank” əmlak məsləhətçi şirkətinə görə, cari ilin üç ayı ərzində paytaxtda dəbdəbəli əmlakla bağlı 28 alqı-satqı müqaviləsi imzalanıb.
Belə ki, 2017-2019-cu illər ərzində sözügedən bazarda satılan mənzillərin sayı 133-dən 96-dək azalsa da, bu ilin birinci rübündə ortaya çıxan artımın mümkün səbəbi kimi daşınmaz əmlakla bağlı alqı-satqı əməliyyatlarındakı vergilərin cari ilin ortalarında gözlənilən artımı göstərilir.
Bununla yanaşı, cari ilin yanvar-mart dövrü ərzində paytaxtın mərkəzindəki bahalı mənzillər 0,2 faiz, bəzi ərazilərdə isə 0,5 faiz bahalaşıb. Bu da son dörd il ərzində ən böyük qiymət artımıdır.
