Əsl adı Belkalis Almanzar olan dünyaca məşhur rep ifaçısı Kardi B Ermənistana dəstək niyyəti ilə paylaşım etmişdi. Azərbaycanlıların narazılığından sonra o azərbaycanlı izləyicilərindən üzr istəyib.
Metbuat.az xəbər verir ki, məşhur ifaçı "Tvitter" hesabında paylaşdığı səs yazısında bildirib:
"Bir sərmayə üçün insanların çox olduğu bir yerdə idik. Erməni əsilli sözcüm o arada mənə Ermənistana qarşı bir soyqırım olduğunu dedi və bununla bağlı paylaşım etməyimi istədi. Araşdırma etmədən paylaşdığım üçün üzr istəyirəm. Ermənistanın vuruşduğu ölkənin Azərbaycan olduğunu da bilmirdim."
