Rusiya Prezidenti Vladimir Putin Azərbaycan Respublikasının Prezidenti İlham Əliyevə Yeni il münasibətilə təbrik ünvanlayıb.
Metbuat.az bildirir ki, bu haqda Kremlin rəsmi veb-saytında yerləşdirilib.
Təbrik məktubunda qeyd olunub:
Ötən ildə iki dövlət başçılarının Moskva və Soçidə keçirilən görüşləri Rusiya ilə Azərbaycan arasında strateji tərəfdaşlığın möhkəmliyini tam təsdiqləyib.
Rusiya-Azərbaycan əlaqələrinin bütün spektrini daha da inkişaf etdirmək üçün konstruktiv dialoqun və sıx birgə işin davam etdirilməsinə ümid ifadə olunub. Bu, vurğulandığı kimi, iki dövlətin xalqlarının köklü maraqlarına uyğundur.
