BMT dinc sakinlərin təxliyəsi üçün Mariupolda hərbi əməliyyatları təcili dayandırmağa çağırıb.
Metbuat.az xəbər verir ki, bu haqda BMT-nin Ukrayna üzrə böhran koordinatoru Amin Avad açıqlama verib.
“Mariupolda təhlükə altında 100 minə yaxın insan var. Nə qədər gözləsək, bir o qədər çox insanın həyatı risk altında olacaq. Onların təhlükəsiz şəkildə təxliyə edilməsinə icazə verilməlidir. Sabah çox gec ola bilər",- deyə Avad bildirib.
