Berlində Yeni il iğtişaşlarla başlayıb.
Metbuat.az APA-ya istinadən xəbər verir ki, bu barədə Bild nəşri məlumat yayıb.
Məlumata görə, fövqəladə hallar xidmətlərinə 38 hücum edilib, bu zaman 15 əməkdaş yaralanıb. 22 nəfər fişəng və raket atəşi nəticəsində yaralanıb. Onlardan biri xəstəxanadadır.
Yanan avtomobili söndürərkən polis və yanğınsöndürənlər də hücumlara məruz qalıb.
Kreuzberg ərazisində zibil qutularından barrikadalar qurulub, sonradan onlar yandırılıb. Şöneberqdə küçə barrikadasında gənclər asayiş keşikçilərinə hücum edərək onlara daş və dəmir barmaqlıqlarla hücum ediblər.
Neuköllndə avtobus estakadanın altında yandırılıb. Avtomobil tamamilə yanıb – yanğınsöndürənlər yalnız polisin mühafizəsi altında alovu söndürə biliblər.
