Şəmkirdə ölümlə nəticələnən ağır yol qəzası baş verib.
Metbuat.az APA-ya istinadən xəbər verir ki, hadisə rayonun Şiştəpə kəndində qeydə alınıb.
Hərəkətdə olan iki “Jeep” markalı minik avtomobil toqquşub.
Qəza zamanı 1971-ci il təvəllüdlü Təranə Nağıyeva hadisə yerində ölüb.
2005-ci il təvəllüdlü Nəzrin Nağıyeva,1975-ci il təvəllüdlü Nəsibə Nağıyeva, 1980-ci il təvəllüdlü Əbdul-Bahar Əlavi, 1989-cü il təvəllüdlü Mayis Rəfiyev, 1984-cü il təvəllüdlü Mühəməd Mehdi Əhmədi və 1998-ci il təvəllüdlü Səyaf Nəzari xəsarət alaraq xəstəxanaya yerləşdiriliblər.
Faktla bağlı araşdırma aparılır
