"Qarabağ"ın futbolçusu Marko Yankoviç 4 həftə yaşıl meydanlardan kənar qalacaq.
Klubdan Metbuat.az-a verilən məlumata görə, buna monteneqrolu yarımmüdafiəçinin Bakıda Belçika "Gent"inə 1:0 hesabı ilə qalib gəldikləri UEFA Konfrans Liqasının pley-off mərhələsinin ilk oyununda zədələnməsidir.
Həkim müayinəsindən keçən 28 yaşlı oyunçunun sol baldır əzələsində 2-ci dərəcəli yırtıq aşkar edilib.
Qeyd edək ki, "Qarabağ" - "Gent" matçı Ağdam təmsilçisinin 1:0 hesablı qələbəsi ilə başa çatıb. Cavab qarşılaşması fevralın 23-də Belçikada olacaq.