Fövqəladə Hallar Nazirliyi Xaçmaz baş verən yanğınla bağlı məlumat yayıb.
Nazirlikdən Metbuat.az-a verilən məlumata görə, Xaçmaz rayonunun Yalama kəndində ümumi sahəsi 150 m² olan birmərtəbəli 5 otaqlı evin yanar konstruksiyaları və ev əşyaları yanıb. Yanğının kəşfiyyatı zamanı 2 nəfərin yanmış meyiti aşkar edilərək aidiyyəti üzrə təhvil verilib. Yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb.
Hadisə ilə əlaqədar müvafiq qurumlar tərəfindən təhqiqat aparılır.
09:57
Xaçmazın Yalama kəndində ər və arvadı yaşadıqları evdə yanaraq ölüb.
Metbuat.az Report-a istinadən xəbər verir ki, kənd sakini 1963-cü il təvəllüdlü Taqverdiyev Aslan Balasultan öğlu və həyat yoldaşı 1965-ci il təvəllüdlü Taqverdiyeva Rumayə Atakişi qızı yaşadıqları fərdi yaşayış evində yanmış halda tapılıblar.
Hadisənin hansı səbəbdən baş verdiyi araşdırılır.