2023-cü ilin yanvar-may ayları ərzində Azərbaycan 13 milyon 340.61 min dollar dəyərində 18 min 581,27 ton şəkər ixrac edib.
Metbuat.az-ın Dövlət Gömrük Komitəsinin hesabatı əsasında apardığı hesablamalara görə, ötən ilin müvafiq dövrü ilə müqayisədə ölkədən ixrac edilən şəkərin dəyəri 43.8% və ya 4 mln. 65,7 min dollar, həcmi isə 28.6% və ya 4 min 132.8 ton artıb. 2022-ci ilin ilk 5 ayında Azərbaycandan 9 mln. 274.1 min dollar dəyərində 14 min 448,45 ton şəkər ixrac edilib.
Qeyd edək ki, hesabat dövründə şəkərin ixrac qiyməti əvvəlki illə müqayisədə 11.8% artıb.
Xatırladaq ki, cari ilin yanvar-may ayında şəkərin ümumi ixracda xüsusi çəkisi 0.08%-ə, qeyri-neft məhsullarının ixracında olan çəkisi isə 0.91%-ə bərabər olub.
