“Real Madrid” klubu Vinisius Juniorla müqavilə uzadıb.
Metbuat.az xəbər verir ki, bu barədə “Real Madrid” klubundan açıqlama verilib. Məlumata görə, Vinisiusla 2027-ci ilə qədər müddətində yeni müqavilə imzalanıb. “AS” qəzetinin məlumatına görə, “Real Madrid”in Rodryiqo, Edouardo Kamavinga, Federiko Valverde və Eder Militao ilə 2028-ci ilə qədər qüvvədə olan yeni müqavilə imzalayacaq. Qeyd edək ki, Vinisius Juniorun Kilian Mbappenin “Real Madrid”ə mümkün transferinə etiraz etdiyi barədə xəbərlər dərc edilmişdi. İddia edilmişdi ki, Vinisius Mbappenin gələcəyi təqdirdə onun klubdakı liderlik funksiyasına sahib olacağını hesab edir.
Bundan əlavə, Vinisius Mbappenin “Real” transfer olacağı təqdirdə “Qızıl top”u qazanmaq şansının azalacağını hesab edir. Braziliyalı futbolçunun Mbappenin transfer olacağı təqdirdə başqa kluba transfer olmağı nəzərdən keçirəcəyi iddia edilmişdi.
