UEFA Avropa Liqasının Liqa mərhələsinin 3-cü turunda "Fənərbaxça" "Mançester Yunayted"lə qarşılaşıb.
Metbuat.az xəbər verir ki, İstanbulda keçirilən görüş gərgin idman mübarizəsinə səhnə olub. Qonaqların ilk hissədə vurduğu qola, meydan sahibləri ikinci hissədə cavab verib. Qarşılaşma 1-1 hesabı ilə başa çatıb. Oyunda "Fənərbaxça"nın baş məşqçisi Joze Mourinyo qırmızı vərəqə alıb. Epizodların birində "Fənərbaxça"lı futbolçuya edilən müdaxiləyə görə, baş hakim penalti təyin etməyib. Mourinyo isə buna sərt reaksiya verdiyi üçün qırmızı vərəqə alıb.
Qeyd edək ki, UEFA Avropa Liqasının Liqa mərhələsində üç turdan sonra "Fənərbaxça" 5 xal toplayıb. "Mançester Yunayted"in isə 3 xalı var.
UEFA Avropa Liqasının Liqa mərhələsinin 3-cü turunda keçirilən digər oyunlar isə bu hesabla yekunlaşıb.
“Tottenhem” (İngiltərə) - AZ (Niderland) 1:0
"Midtyullann" (Danimarka) - “Yunion” (Belçika) 1:0
“Portu” (Portuqaliya) - “Hoffenhaym” (Almaniya) 2:0
“Reyncers” (Şotlandiya) - FCSB (Rumıniya) 4:0
“Lion” (Fransa) - “Beşiktaş” (Türkiyə) 0:1
“Ayntraxt” (Almaniya) - RFS (Latviya) 1:0
PAOK (Yunanıstan) - “Viktoriya” (Çexiya) 2:2
“Makkabi” (Tel-Əviv, İsrail) - “Real Sosyedad” (İspaniya) 1:2
“Anderlext” (Belçika) - “Ludoqorets” (Bolqarıstan) 2:0
“Tvente” (Niderland) - “Latsio” (İtaliya) 0:2
“Ferentsvaroş” (Macarıstan) - “Nitsa” (Fransa) 1:0
“Qarabağ” - “Ayaks” (Niderland) 0:3
“Roma” (İtaliya) - “Dinamo” (Kiyev, Ukrayna) 1:0
“Malmö” (İsveç) - “Olimpiakos” (Yunanıstan) 0:1
“Atletik” (İspaniya) - “Slaviya” (Çexiya) 1:0
