Aprelin 18-dək Bakıda hava şəraiti kəskin dəyişəcək.
Metbuat.az “AccuWeather” saytına istinadən xəbər verir ki, ayın ikinci yarısından etibarən temperatur yüksələcək və daha sabit hava şəraiti müşahidə olunacaq.
Belə ki, 15-17 aprel tarixlərində paytaxt ərazisində yağış yağacaq və güclü külək əsəcək.
Ayın 18-dən başlayaraq gündüz temperaturu 17–21°C arasında dəyişəcək. Gecələr isə 10–13°C civarında sabit qalacaq. Proqnozlara əsasən, bu tarixlərdə əsasən günəşli və mülayim hava hökm sürəcək.
Aprelin 26-da isə yenidən yağıntılı hava şəraiti gözlənilir. 27 və 29 aprel tarixlərində hava əsasən dəyişkən buludlu, qismən günəşli olacaq. 30 apreldə isə günəşli hava müşahidə olunacaq.
Sevinc İbrahimzadə / Metbuat.az
