Braziliyalı ulduz Ronaldinyo formasını geydiyi "Queretaro"ya vida edib.
ANS PRESS-in məlumatına görə, adı "Antalyaspor"la hallanan futbolçu rəsmi Twitter səhifəsindən mesaj yayımlayıb. Ronaldinyo bütün Meksika xalqına yaşatdıqları üçün xüsusi təşəkkür edib.
"Queretaro" ilə 2016-cı ilə qədər müqaviləsi olan Ronaldinyonun bir sonrakı ünvanının "Antalyaspor" olacağı gözlənilir.
Türkiyə klubunun prezidenti Gültekin Gencer oyunçunun transferi üçün təmaslarda olduqlarını açıqlayıb. Türkiyə Super Liqasına yüksələn "Antalyaspor" yeni stadionunda uğurlu çıxış üçün bahalı transfer etmək niyyətindədir.
Qeyd edək ki, "Antalyaspor" Ronaldinyo ilə yanaşı, Samuel Etonu da heyətinə qatmaq istəyir. Bu transferlər üçün klub sponsorlardan maliyyə dəstəyi alacaq.
