Türkiyənin Gənc Partiyanın sədri, hazırda Fransada mühacirətdə olan Cem Uzan siyasətə qayıdacağını bildirib. Lent.az-ın Türkiyə KİV-lərinə istinadən məlumatına görə, bu barədə Cem Uzan özü twitter hesabınından məlumat verib: “Bütün Türkiyəyə bildirilir. Gənc Partiyası ... Vaxtı gəlib”.
Qeyd edək ki, Cem Uzan fəaliyyətini dayandırmış Gənc Partiyanın sədridir. O, 2002-ci ildə Türkiyədə parlament seçkilərinə qatılmış, qısamüddətli kampaniyadan sonra 7.2 faiz səs toplamışdı. Seçkilərdən sonra isə Türkiyənin vergi orqanları onun fəaliyyətini araşdırmağa başlamış, nəticədə bu ölkədəki bütün varidatına əl qoyulmuşdu. İş adamı özü isə Fransadan siyasi sığınacaq almışdı. 
