ABŞ-ın qadınlardan ibarət milli komandasının qapıçısı ərinə görə cəzalandırılıb.
ANS PRESS-in məlumatına görə, futbolçu Hop Solo spirtli içki qəbul etmiş ərinin avtomobilində olduğu üçün cəzalandırılıb.
ABŞ Futbol Federasiyasından bildirilib ki, milli komandanın qapıçının adının belə bir hadisəyə qarışması kədərlidir: "Solo etdiyi əməllərlə komandaya və yoldaşlarına pis bir nümunə olur. Bu səbəbdən onun düşərgədən uzaqlaşdırılmasına qərar verilib".
Solo isə sosial şəbəkədən son aylarda çətin bir dövrdən keçdiyini ifadə edib: "Federasiyanın qərarına hörmət edir və səhvmi qəbul edirəm. Komanda yoldaşlarımın, məşqçi heyətinin və Federasiyanın ümidlərini puç etdim. Üzr istəyirəm".
Qeyd edək ki, Solo ABŞ-ın ən məşhur idmançılarından sayılır. O, ABŞ milli komandası ilə olimpiadalarda qızıl medal qazanıb və 2007-2011-ci illərdə təşkil edilən FIFA Dünya Kubokuna qatılıb.
Dünyanın ən seksual qapıçısı olaraq da tanınan idmançı çəkdiyi çılpaq fotoları ilə diqqətləri cəlb edib.
Mənbə
ANS PRESS