Gürcüstan - Azərbaycan sərhədini qanunsuz keçmək istəyən üç Suriya vətəndaşı saxlanılıb.
ANS PRESS-in məlumatına görə, bu barədə Gürcüstan Daxili İşlər Nazirliyi məlumat yayıb. Məlumatda bildirilir ki, saxlanılan suriyalılar nəzarət-buraxılış məntəqəsindən yan keçməklə Azərbaycan ərazisinə girmək istəyiblər.
Hadisə ilə bağlı Gürcüstan sərhəd polisinin baş istintaq-əməliyyat idarəsi tərəfindən Gürcüstan dövlət sərhədini qrup şəklində qanunsuz keçməyə cəhdlə bağlı cinayət işi başlanılıb. Suriyalıları beş ilə qədər həbs cəzası gözləyir.