Bakı, 20 sentyabr, Nihat Budaqov, AZƏRTAC
Neft-qaz sənayesi işçilərinin peşə bayramı və “Əsrin müqaviləsi”nin imzalanmasının 21-ci ildönümü ilə əlaqədər Azərbaycan Respublikası Dövlət Neft Şirkətinin (SOCAR) rəhbərliyinin və çoxminli kollektivinin təmsilçiləri sentyabrın 20-də Fəxri xiyabana gələrək xalqımızın ümummilli lideri, müasir müstəqil Azərbaycanın memarı və qurucusu Heydər Əliyevin xatirəsini ehtiramla yad edib, abidəsi önünə gül dəstələri qoyublar.
AZƏRTAC xəbər verir ki, görkəmli oftalmoloq alim, akademik Zərifə xanım Əliyevanın da xatirəsi anılıb, məzarı üzərinə tər çiçəklər düzülüb.