Bakı, 29 sentyabr, AZƏRTAC
Oktyabrın 7-də Azərbaycan Milli Elmlər Akademiyasının (AMEA) Mərkəzi Elmi Kitabxanasında “Yanğından mühafizə üsulları və onun həyata keçirilməsində müəssisə və təşkilatların üzərinə düşən vəzifələr” mövzusunda seminar-məşğələ təşkil olunacaq.
Akademiyadan AZƏRTAC-a bildiriblər ki, tədbir AMEA rəyasət heyəti aparatının ikinci xüsusi şöbəsi, Fövqəladə Hallar Nazirliyinin (FHN) Mülki Müdafiə Qoşunlarının Mülki Müdafiə İdarəsi, FHN-nin Akademiyası və FHN-nin Dövlət Yanğın Nəzarəti Xidmətinin birgə təşkilatçılığı ilə keçiriləcək.