Bakıda 2 nəfərin xəsarət alması ilə nəticələnən yol qəzası baş verib. Lent.az-ın məlumatına görə, hadisə Bakı-Ələt magistralında, Baş Dövlət Yol polisi İdarəsinin Qaradağ postunun yaxınlığında baş verib. Taksi fəaliyyəti ilə məşğul olan "Mercedes" markalı minik avtomobili eyni hərəkət istiqamətində "Mitsubishi" markalı "pic-up"la toqquşub. Nəticədə "Mercedes" aşıb. İki nəfər müxtəlif dərəcəli bədən xəsarətləri alıb.
Hadisənin səbəbi araşdırılır.
