Bakı, 9 oktyabr, AZƏRTAC
“Aqrolizinq” ASC-nin adi, sənədsiz, adlı səhmlərinin “Bakı Fond Birjası” QSC-də (BFB) oktyabr 9-dan etibarən standart bazar seqmentində yerləşdirilməsinə başlanılıb.
BFB-dən AZƏRTAC-a bildirilib ki, emissiyanın həcmi 118 999 540 AZN, qiymətli kağızın miqdarı 59 499 770 ədəd, nominal dəyəri isə 2 AZN-dir. Anderrayter “Unicapital” ASC–dir və üstünlük hüququ müddətinin son tarixi nəzərdə tutulmayıb.
Səhmləri əldə etmək istəyən şəxslər BFB-nin üzvü olan və broker lisenziyasına malik olan təşkilata müraciət edə bilərlər. Səhmlərinin emissiya prospekti BFB-nin internet saytının (www.bfb.az) “Emitentlər” bölməsində yerləşdirilib.
