Oktyabrın 17-də vəzifəsindən azad edilən Milli Təhlükəsizlik naziri Eldar Mahmudovla bağlı yeni faktlar ortaya çıxıb.

ANS PRESS-in məlumatına görə, yerli mətbuatda onun bir neçə şirkətə sahib olduğu barədə xəbərlər yayılıb. Azərbaycandakı “Wine City” mağazalar şəbəkəsinin də ona məxsus olduğu deyilir.

"Wine City” mağazalar şəbəkəsinin “Caspian Crystal” şirkətinin bir layihəsi olduğu göstərilib.

Mətbuatda “Caspian Crystal” şirkətinin Eldar Mahmudovun oğlu Anar Mahmudova məxsus olduğu iddia edilir.

İddialarla bağlı “Caspian Crystal” şirkəti ilə əlaqə saxlasaq da, şirkət əməkdaşı iddaları təsdiq edə bilməyəcəyini dedi. “Bizim bu haqda məlumatımız yoxdur. Burada sizə məlumat verəcək heç kim yoxdur”.- deyə şirkət əməkdaşı bildirdi.

Eldar Mahmudovun ailə biznesi
Anar Mahmudov-Eldar Mahmudovun oğlu


Şirkət 2006-ci ildən fəaliyyət göstərir. Fəaliyyətinə restoran biznesi ilə başlayan şirkət “Crystal Lounge” “Salvador Dali”, “Lord” və “VIP” kimi dəbdəbəli restoranlar şəbəkəsinə sahibdir.

Eldar Mahmudovun ailə biznesi

Mağaza əməkdaşları yerli KİV-lərə bildiriblər ki, sabiq nazir ətrafında gedən prosesləri izlədiklərini bildiriblər: “Biz də internetdən oxuyuruq. Hər dəqiqə bir xəbər çıxır. Bu çətin zamanda bizim aqibətimizin də nə olacağı sual altındadır. Özünüz də görürsüz, oturmuşuq gözləyirik. Nə gələn var, nə gedən”.

Eldar Mahmudovun ailə biznesi
“Crystal Motors” saytında idarə heyyətinin sədrinin adı və imzası



Bundan başqa, qida məhsullarının idxalı, “Range Rover”, “Jaguar”, “Maserati” avtomobillərinin və “Dicati” motesikletlərinin Azərbaycandakı rəsmi distribütoru olan “Crystal Motors” şirkəti də “Caspian Crystal” holdinqə bağlıdır.


"Caspian Crystal” şirkəti Azərbaycanda dünyanın hər bir yerindən gətirilmiş eksklüziv şərablar və alkoqollu içkilər təklif edən ilk butikin - “Wine City”nin yaradıcısıdır. Hazırda Bakıda bu adla 2 butik fəaliyyət göstərir. “Wine City” mağazasında 18000 şüşənin saxlanıldığı şərab anbarı yaradılıb.

Eldar Mahmudovun ailə biznesi
"Caspian Crystal" şirkətinə məxsus içkilər