"Çelsi"nin yarımmüdafiəçisi Eden Hazard karyerasını "Real"da davam etdirə bilər.
Goal.az "L'Equipe" nəşrinə istinadən xəbər verir ki, 24 yaşlı belçikalının özü də buna müsbət yanaşır və bildirilir ki, əgər bu mövsüm futbolçu üçün uğursuz alınsa, növbəti ilin yayında iş yerini dəyişəcək.
Madrid klubu mövsümün sonunda Hazard üçün "Çelsi"yə təklif göndərəcək. Hazard 2012-ci ildə 40 milyon avro qarşılığında "Lill"dən "Çelsi"yə keçib.
Belçika millisinin üzvü bu mövsüm 9 oyunda iştirak edib, 3 məhsuldar ötürmə ilə yadda qalıb.
Milli.Az
