Azərbaycan - Moldova yoxlama oyunu öncəsi mətbuat konfransı keçirilib. Fanat.az jurnalistlərin suallarını cavablandıran millinin müdafiəçisi Bədavi Hüseynovun fikirlərini təqdim edir:
"Son iki uğursuz oyundan sonra mövsümü major notda bitirmək istəyirik. Buna görə də Moldova yığması üzərində qələbə bizim üçün vacibdir. Hamı məşqlərdə əlindən gələni edir. Bütün futbolçular istəyir ki, ona şans verilsin, özünü yaxşı tərəfdən göstərsin. Paralel olaraq Avropa Liqasının qrup mərhələsində çıxış etməyimiz də bizə böyük təcrübə qazandırır. “Monako”, “Tottenhem” kimi komandalarla qarşılaşmaq bizim yalnız xeyrimizədi. Belə komandalarla üz-üzə gələndən sonra beynəlxalq oyunlara daha rahat çıxırıq”.
Fanat.az
