Səyyar xidmətlər DİN tərəfindən davam etdirilir

Səyyar xidmətlər DİN tərəfindən davam etdirilir
13:03 7 Dekabr 2015
19 Sosial
Ölkə mətbuatı
A- A+

Bakı. Trend:

Daxili İşlər Nazirliyinin (DİN) rəhbərliyinin tapşırığına əsasən, Baş Pasport, Qeydiyyat və Miqrasiya İdarəsinin təşəbbüsü ilə ölkəmizin paytaxtında, digər şəhər və rayonlarında şəxsiyyət vəsiqələrinin verilməsi, etibarlıq müddəti bitmiş sənədlərin yeniləri ilə dəyişdirilməsi üzrə səyyar xidmətlər keçirilir.

Trend-in məlumatına görə, işin səmərəliyinin daha da artırılması və vətəndaş məmnunluğunun təmin edilməsi məqsədi daşıyan növbəti belə tədbir Qazax RPŞ-nin müvafiq qurum əməkdaşlarının iştirakı ilə rayonun Kəmərli kəndində baş tutub.

Səyyar xidmət zamanı ümumilikdə 189 nəfərə yeni şəxsiyyət vəsiqələri təqdim olunub.
Vətəndaşların şəxsiyyət vəsiqələri ilə təmin edilməsi məqsədilə mütəmadi şəkildə təşkil olunan belə tədbirlər respublikamızın digər bölgələrində də davam etdirilir.

Bizi Twitter-dən izləyin: @trend_az

RƏYLƏR

BU KATEQORİYADAN DİGƏR XƏBƏRLƏR