Rusiyada yaşayan azərbaycanlı iş adamı, müğənni-bəstəkar, Azərbaycan prezidenti İlham Əliyevin böyük qızı Leyla Əliyevanın keçmiş həyat yoldaşı olan Emin Ağalarov "Günəşli” yatağındakı 10-cu dərin dəniz özülündə baş verən güclü yanğın nəticəsində dünyasını dəyişmiş insanlara baş sağlığı verib.
ANS PRESS-in məlumatına görə, Emin Ağalarov sosial şəbəkədə bu barədə yazıb.
“Xəzər Dənizində "Günəşli" platformasında baş verən yanğının qurbanlarının ailələrinə başsağlığı verirəm. Bu, bizim hamımız üçün böyük itkidir. Allah rəhmət eləsin” Emin “Facebook” səhifəsində #PrayForGuneshli haştaqı ilə paylaşım edib.
Emin Ağalarovun "Facebook" səhifəsi
Xəzər dənizindəki yanğınla bağlı başsağlığı verənlər içərisində yerli şou-biznes nümyndələri, sənətçilərlə yanaşı türkiyəli tanınmışlar da var.
Prezident İlham Əliyevin qızı Leyla Əliyeva da öz instaqram səhifəsində faciə ilə bağlı şəkil paylaşıb.
Leyla Əliyevanın "İnstaqram" səhifəsi
XeberAygün Kazımova isə "İnstaqram" səhifəsində Günəşli yatağında dekabrın 4-də baş verən yanğınla yanaşı 19 may faciəsini də xatırladıb.
Aygün Kazımovanın "İnstaqram" səhifəsi
Dekabrın 4-ü axşam saatlarında “Günəşli” yatağındakı 10-cu dərin dəniz özülündə güclü yanğın hadisəsi baş verib. Baş verən güclü tufan saat 17.40 radələrində “Günəşli” yatağındakı 10-cu dərin dəniz özülündə qaz xəttini sıradan çıxarıb, nəticədə yanğın olub.
Rəsmi məlumata görə hadisə baş verən zaman platformada 63 nəfər olub. Onlardan 1-i dünyasını dəyişib, 33 nəfər təxliyyə olunub. 29 nəfərin taleyi isə hələlik naməlumdur. Onlar itkin düşmüş elan edilib. Ötən gün başlayan axtarış-xilasetmə əməliyyatları bu gün səhərdən dalğıcların cəlb olunması ilə davam etdirilir.
Həmçinin oxuyun: Şoubiznesdən Xəzərdəki yanğına təəssüf (FOTO)
#PrayForAzerbaijan: "Günəşli" faciəsi sosial şəbəkələrdə anılır
Xəzərdə itkin düşənlərlə bağlı son vəziyyət (VİDEO, YENİLƏNİB - 6)
