Baş rollarında Serenay Sarıkaya və Çağatay Ulusoyun çəkildiyi "Medcezir" serialı bitsə də, yenilik edib.
Axşam.az-ın Türkiyə mətbuatına istinadən məlumatına görə, fenomen serialda səslənən musiqilər və mahnılar soundtrek albomunda satışa çıxıb. İki mövsüm boyunca milyonları ekran başına yığmağı bacaran ekran işinin musiqi albomu bəstəkar Toyqar İşıklının adıyla satışa çıxıb.
Bazara çıxdığı ilk günlərdən ən çox satılan albom olan "Medcezir"də 49 bəstə yer alır. T.İşıklı serial üçün yazdığı mahnılarla indiyə kimi 12 mükafat qazanıb.
