Bakı Dövlət Sirki “Lasta Rika”nın ardından yeni proqram dəvət edib.
Axşam.az-ın məlumatına görə, yeni proqram dekabrın 25-dən başlayacaq.
İlk dəfə olaraq sirkdə bütün nömrələr klounlar tərəfindən nümayiş etdiriləcək. “Klounların qış paradı” adlı möhtəşəm sirk şousunda hava gimnastları, əhilləşdirilmiş heyvanların maraqlı nömrələri, monosikl, akrobatların çıxışları təqdim olunacaq. Korde-baletin müşayiətilə göstərilən nömrələrdə xüsusi işıq effektlərindən istifadə ediləcək.
Yeni il günlərinə düşdüyü üçün proqramda Şaxta baba və Qar qız da iştirak edəcək.